《「饮水哥」的豪门梦 一季就醒?》

2020-05-27| | 查看: 211| 评论:10

《原创文章 欢迎转载 请列明出处 谢谢》-请支持蓝狮 Facebook专页-《「饮水哥」的豪门梦 一季就醒?》 按此观看图片 .图片来源 : tribuna.com车路士除左主帅位置未有定案之外,一众今季上阵机会唔多既或长期后备球员都纷纷传出会离队他投,今集想讲既係其中一位季初先至加盟既球员,就係由李斯特城加盟既「饮水哥」真禾特。先睇番佢既数据,季初受伤直到10月尾先至复出,全季只为车路士喺各项赛事上阵过22场,射入一球,睇番黎讲上阵时间并唔多,但其实好多时真禾特都係操练时受伤,伤癒后亦需要好一段时间提升竞技状态,引致上阵时间唔能够维持稳定性亦可以话情有可原。其实自林伯特、艾殊利高尔、泰利等传奇相继离开蓝桥后,车路士主力之中就只係净底加利卡希尔为纯英格兰本土球员,係就係仲有法比加斯、摩西斯同一堆青年球员叫做顶住个本土名额,但球会都需要为英人元素作出补充,所以喺今季「饮水哥」既加盟好大程度係关乎到佢有英人名额。贵为李斯特城15-16年球季以梦幻式勇夺英超冠军功臣之一,以果季既重要性黎讲真禾特绝不下于简迪,自后者离开后,「饮水哥」就成为狐狸军团既第一防中,为防线前提供最后一道保护线,亦因为咁引致到佢无论喺各项赛事既入球同助攻数字上都大大比起「夺冠年」为少。虽则李斯特城喺联赛同欧联都唔能够延续亮眼成绩,但真禾特依然保持一贯平稳水準,实在係中场重要一员。自季初转会窗起都经已开始传出车路士会收购真禾特,由开始直到最后真係官宣果刻,加上3500万镑既转会费,外界都一直有声音指出哩位曼联青训未够班,无可否认,以「饮水哥」既级数黎讲真係唔算得上一线,但车路士在缺乏英人下,加上要喺向来普遍名大于实既英格兰搵番一个具质素既本土球员并唔易,真禾特拦截能力同中场串联技巧经已算得上中上级,与简迪之间既默契无需怀疑,加上法比加斯年纪已经唔轻,再唔能够过份依赖佢去组织攻势,真禾特既长传视野绝对能够喺西班牙人缺阵下对球队战术上既影响减到最少。如果球会选择卖走「饮水哥」的话,咁当初买佢番黎既原因,就真係滥芋充数?「饮水哥」的豪门梦真係一季就醒?文章最后更新时间 : 26/05/2018 09:30《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持

相关阅读