《「球霸」踢走「球霸」?探讨林伯特卖走雷斯背后的利弊》

2020-05-27| | 查看: 726| 评论:69

《原创文章 欢迎转载 请列明出处 谢谢》-请支持蓝狮 Facebook专页- img.rasset.ie 事出突然,大卫雷斯由传闻会离开再直到阿仙奴正式官宣都不需两日既时间,当中不乏蓝军球迷难以理解既声音,亦有球迷乐见欢送炸弹,而中立球迷亦对梅斯达菲伙拍雷斯哩个后防组合充满幻想。而回归现实以车路士角度喺,哩单交易上实质究竟係赚定蚀?一齐探讨一下。先由球会角度讲起,上季早已知道转会禁令会喺今季实行,车路士高层虽然成日做埋哂啲「无厘头」交易,但佢地唔係傻,所以早以喺上半季为一啲就黎完约既球员开始商议续约内容,就好似柏度、马高斯阿朗素咁,而大卫雷斯、韦利安哩两位巴西人,就一直未有有关续约既消息,有传闻球会从未开始相约过佢地经理人会面,亦有传係对新合约不满,但以局外人角度睇其实唔难理解,主因係车路士高层希望提出转会禁令既上诉而能够延迟执行期,令蓝军能够喺岩岩哩个转会窗都可以作出最后一次补强,咁就可以有更大空间作出操作。但哩个如意算盘亦唔能够打响,一而再再而三既上诉就只係徒劳无功,迫使高层无奈地喺季后同雷斯续约两年,而合约所讲哩两年係经已打破球会过往常规,讲紧既係就连泰利、林伯特哩啲「传奇级」球员希望得到唔止一年合约都被球会拒绝,可想而知其实今次既转会禁令係几咁迫在眉睫,但球会选择为球员续约,而球员喺同期转会窗选择离开,又究竟係咩玩法黎呢?就要由领队同球员角度去睇埋落去。林伯特同雷斯係阵中仲净番喺度既欧冠阵容成员,论情感佢地两个理应都好清楚大家,林伯特贵为球队「传奇级」名宿,今次回归史丹福桥亦可以话係接受政治任务既挑战,而雷斯喺更衣室内亦係继艾斯派古达后最有「Say」既球员,感染力喺队中黎讲绝对係数一数二,如无意外亦都会係今季接手副队长一职,而喺哩个时候各散东西,传闻係指林伯特唔能够向雷斯承诺来季必定有正选一职,导致后者意气阑珊选择离队他投。以依加既雷斯黎讲,虽然「短路」画面亦偶有发生,但论能力同战术效益的确仍然能够喺高水平联赛既列强球队中立足,后场用波能力、单防能力、个人技术,仲要未数指挥后防同提抢,说实话市面上又有几多个拥有哩个级数既中坚存在于转会市场当中?但对于林伯特黎讲,今次回归既主要任务係务求让年轻球员上位,加上爱华顿曾力购上季外借到去既苏马,亦都因为林伯特承诺会给予上阵机会至令到球员选择留低,但係喺唔会以三中坚作为主要阵式之下,加上基斯甸臣以及即将复出既鲁迪加,其实都好难平均地分配出场时间。 观点与角度,哩单交易可以话唔同人有唔同睇法,既然雷斯去意已决希望寻求佢所讲既「新挑战」,强留佢对双方亦都唔会係好事,但对于依加车路士条防线黎讲,缺乏巴西人既元素之下亦令球队进攻同防守两端出现不平衡,攻不锐同时守不稳,但係依加既蓝军都经已「Show Hand」,仲谂住执掂个后防?倒不如放手一博搞掂个进攻套路好过啦。文章发表时间 : 22/08/2019 12:50文章最后更新时间 : 22/08/2019 12:50《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持

相关阅读